This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

10.405   திருமூலர்   திருமந்திரம் -

மாமாயை மாயை வயிந்தவம் வைகரி ஓமாயை நாரணி ஓராறு கோடியில் தாமான மந்திரம் சத்திதன் மூர்த்திகள் ஆமாய் அலவாம் திரிபுரை ஆங்கே.	[ 1]
திரிபுரை சுந்தரி அந்தரி சிந் தூரப் பரிபுரை நாரணி ஆம்பல வன்னத்தி இருள்புரை ஈசி மனோன்மனி என்ன வருபல வாய்நிற்கும் மாமாது தானே.	[ 2]
தானே அமைந்தஅம் முப்புரந் தன்னிடைத் தானான மூவுரு ஓருருத் தன்மையள் தானான பொன்செம்மை வெண்ணிறத் தாள் கல்வி தானான போகமும் முத்தியும் நல்குமே.	[ 3]
நல்குந் திரிபரை நாத நாதாந்தங்கள் பல்கும் பரவிந்து பார்அண்ட மானவை நல்கும் பரை அபிராமி அகோசரி புல்கும் அருளும் அப் போதம்தந் தாளுமே.	[ 4]
தாளணி நூபுரம் செம்பட்டுத் தான் உடை வாரணி கொங்கை மலர்க்கன்னல் வாளிவில் ஏரணி அங்குச பாசம் எழில்முடி காரணி மாமணிக் குண்டலக் காதிக்கே.	[ 5]
Go to top
குண்டலக் காதி கொலைவிற் புருவத்தள் கொண்ட அரத்த நிறம்மன்னு கோலத்தள் கண்டிகை ஆரம் கதிர்முடி மாமதிச் சண்டிகை நாற்றிசை தாங்கிநின் றாளே.	[ 6]
நின்ற திரிபுரை நீளும் புராதனி குன்றலில் மோகினி மாதிருக் கும்சிகை நன்றறி கண்டிகை நாற்கால் கரீடிணி துன்றிய நற்சுத்த தாமரைச் சுத்தையே.	[ 7]
சுத்தஅம் பாரத் தனத்தி சுகோதையள் வத்துவ மாய்ஆளும் மாசத்தி மாபரை அத்தகை யாயும் அணோரணி தானுமாய் வைத்தஅக் கோலம் மதியவ ளாகுமே.	[ 8]
அவளை அறியா அமரரும் இல்லை அவளன்றிச் செய்யும் அருந்தவம் இல்லை அவளன்றி ஐவரால் ஆவதொன் றில்லை அவளன்றி ஊர்புகும் ஆறறி யேனே.	[ 9]
அறிவார் பராசத்தி ஆனந்தம் என்பர் அறிவார் அருவுரு வாம்அவள் என்பர் அறிவார் கருமம் அவள்இச்சை என்பர் அறிவார் பரனும் அவளிடத் தானே.	[ 10]
Go to top
தான்எங் குளன்அங் குளள்தையல் மாதேவி ஊன்எங் குளஅங் குளஉயிர் காவலன் வான்எங் குளதங் குளேவந்தும் அப்பாலாம் கோன்எங்கும் நின்ற குறிபல பாரே.	[ 11]
பராசத்தி மாசத்தி பல்வகை யாலும் தராசத்தி யாய்நின்ற தன்மை உணராய் உராசத்தி ஊழிகள் தோறும் உடனாம் புராசத்தி புண்ணிய மாகிய போகமே.	[ 12]
போகம்செய் சத்தி புரிகுழ லாளொடும் பாகம்செய் தாங்கே பராசத்தி யாய்நிற்கும் ஆகம்செய் தாங்கே அடியவர் நாள்தொறும் பாகம்செய் ஞானம் படர்கின்ற கொம்பே.	[ 13]
கொம்பனை யாளைக் குவிமுலை மங்கையை வம்பவிழ் கோதையை வானவர் நாடியைச் செம்பவ ளத்திரு மேனிச் சிறுமியை நம்பிஎன் னுள்ளே நயந்துவைத் தேனே.	[ 14]
வைத்த பொருளும் மருவுயிர்ப் பன்மையும் பத்து முகமும் பரையும் பாரபரச் சித்தக் கரணச் செயல்களும் செய்திடும் சத்தியும் வித்தைத் தலைவிய ளாம.	[ 15]
Go to top
தலைவி தடமுலை மேல்நின்ற தையல் தொலைவில் தவம்செய்யும் தூய்நெறித் தோகை கலைபல ஏன்றிடும் கன்னி என் உள்ளம் நிலைபெற இங்கே நிறைந்துநின் றாளே.	[ 16]
நின்றவள் நேரிழை நீள்கலை யோடுற என்றன் அகம்படிந் தேழுல கும்தொழ மன்றது ஒன்றி மனோன்மனி மங்கலி ஒன்றொனொ டொன்றிநின் றொத்தடைந் தாள.	[ 17]
ஒத்தடங் குங்கம லத்திடை ஆயிழை அத்தகை செய்கின்ற ஆய பெரும்பதி மத்தடை கின்ற மனோன்மனி மங்கலி சித்தடைக் கும்வழி தேர்ந்துண ரார்களே.	[ 18]
உணர்ந்துட னேநிற்கும் உள்ளொளி யாகி மணங்கமழ் பூங்குழல் மங்கையுந் தானும் புணர்ந்துட னேநிற்கும் போதருங் காலைக் கணிந்தெழு வார்க்குக் கதிஅளிப் பாளே.	[ 19]
அளியொத்த பெண்பிள்ளை ஆனந்த சுந்தரி புளியுறு புன்பழம் போல்உள்ளே நோக்கித் தெளியுறு வித்துச் சிவகதி காட்டி ஒளியுற வைத்தென்னை உய்யஉண் டாளே.	[ 20]
Go to top
உண்டில்லை என்ன உருச்செய்து நின்றது வண்டில்லை மன்றினுள் மன்னி நிறைந்தது கண்டிலர் காரண காரணி தன்னொடும் மண்டிலம் மூன்றுற மன்னிநின் றாளே.	[ 21]
நின்றாள் அவன்றன் உடலும் உயிருமாய்ச் சென்றாள் சிவகதி சேரும் பராசத்தி ஒன்றாக என்னுட் புகுந்துணர் வாகியே என்றாள் பரஞ்சுடர் ஏடங்கை யாளே.	[ 22]
ஏடங்கை நங்கை இறைஎங்கள் முக்கண்ணி வேடம் படிகம் விரும்பும்வெண் டாமரை பாடும் திருமுறை பார்ப்பதி பாதங்கள் சூடுமின் சென்னி வாய்த்தோத்திரங்கள் சொல்லுமே.	[ 23]
தோத்திரம் செய்து தொழுது துணையடி வாய்த்திட ஏத்தி வழிபடு மாறிரும் பார்த்திடும் அங்குச பாசம் பசுங்கரும் பார்த்திடும் பூப்பின்னை ஆகுமாம் ஆதிக்கே.	[ 24]
ஆதி விதம்மிகுத் தண்டந்த மால்தங்கை நீதி மலரின்மேல் நேரிழை நாமத்தைப் பாதியில் வைத்துப் பலகாற் பயில்விரேல் சோதி மிகுத்துமுக் காலமும் தோன்றுமே.	[ 25]
Go to top
மேதாதி ஈரெட்டு மாகிய மெல்லியல் வேதாதி நூலின் விளங்கும் பராபரை ஆதார மாகியே ஆய்ந்த பரப்பினள் நாதாதி நாதத்து நல்லரு ளாளே.	[ 26]
அருள்பெற் றவர்சொல்ல வாரீர் மனிதர் பொருள்பெற்ற சிந்தைப் புவனா பதியார் மருளுற்ற சிந்தையை மாற்றி அருமைப் பொருளுற்ற சேவடி போற்றுவன் யானே.	[ 27]
ஆன வராக முகத்தி பதத்தினில் ஈனவ ராகம் இடிக்கும் முசலத்தோ டேனை எழுபடை ஏந்திய வெண்ணகை ஊனம் அறஉணர்ந் தார்உளத் தோங்குமே.	[ 28]
ஓங்காரி என்பாள் அவள்ஒரு பெண்பிள்ளை நீங்காத பச்சை நிறத்தை உடையவள் ஆங்காரி யாகியே ஐவரைப் பெற்றிட்டு இரீங்காரத் துள்ளே இனிதிருந் தாளே.	[ 29]
தானே தலைவி எனநின்ற தற்பரை தானே உயர்வித்துத் தந்த பதினாலும் மானோர் தலமும் மனமும்நற் புத்தியும் தானே சிவகதித் தன்மையு மாமே. 6,	[ 30]
Go to top

Thevaaram Link  - Shaivam Link
Other song(s) from this location:
This page was last modified on Sun, 31 Mar 2024 02:36:43 -0400
          send corrections and suggestions to admin @ sivaya.org

thirumurai song